Tuzo za World Travel Awards zilitangaza Tanzania kama “Mahali Bora Afrika kwa Watalii 2024.” Watalii wa Kijerumani wangapi walitembelea Tanzania mwaka 2024?
- 233,115 – nafasi ya kwanza kwa idadi ya wageni wa kimataifa
- 102,798 – nafasi ya nne kwa watalii kutoka nje ya Afrika
- 69,651 – nafasi ya sita kwa watalii kutoka nje ya Afrika, lakini wenye kiwango cha ukuaji wa haraka zaidi
Jibu
102,798. Mwaka 2024, zaidi ya watalii wa kimataifa milioni 2 walitembelea Tanzania. Kwa idadi ya wageni 233,115, watalii wengi walitoka Kenya. Miongoni mwa watalii kutoka nje ya Afrika, Wajerumani walishika nafasi ya nne baada ya Marekani, Ufaransa, na Italia, wakiwa na zaidi ya wageni 100,000. Watalii kutoka China walishika nafasi ya 6, lakini ni miongoni mwa makundi yanayokua kwa kasi zaidi katika idadi ya wanaowasili.
Tanzanian Ministry of Natural Resources and Tourism (2024): Maliasili Statistical Bulletin, online: www.maliasili.go.tz/resources/statistical-bulletin
Sekta ya utalii ina mchango gani katika Pato la Taifa la Tanzania?
- 24%
- 17%
- 13%
Jibu
17%. Mwaka 2024, sekta ya utalii ilichangia asilimia 17 ya Pato la Taifa (GDP), ikilinganishwa na asilimia 16.4 mwaka 2023. Sekta hii pia inaajiri zaidi ya wafanyakazi 850,000 moja kwa moja, na hivyo kuifanya kuwa mwajiri wa tatu kwa ukubwa nchini.
UN World Tourism Organization: Tourism Doing Business Tanzania, online: www.unwto.org/investment/tourism-doing-business-investing-in-the-united-republic-of-tanzania
Katika miaka ya 1960, ulianza ule uliokuwa unaitwa wakati huo “Utalii wa Dunia ya Tatu.” Uwanja wa ndege wa Dar es Salaam ulijengwa mwaka 1962, na Hoteli ya Kilimanjaro mwaka 1965. Katika mpango wa miaka mitano wa ujamaa, uwekezaji katika miundombinu na huduma za utalii uliwekwa rasmi. Hata hivyo, sehemu ya jamii ilikuwa na mtazamo wa tahadhari kuhusu utalii. Kwa nini?
- Utalii ulipingana na dhana ya kujitegemea na ungeongeza utegemezi wa kibeberu wa kisasa.
- Faida za utalii zingewanufaisha zaidi wawekezaji wa kigeni, wageni na tabaka la juu la Watanzania.
- Fedha zingetumika kwa wananchi wenyewe – kwa miundombinu, elimu na afya – si kwa wageni.
Jibu
Majibu yote ni sahihi. Mjadala mkali kuhusu utalii umeelezewa vizuri na mwanasheria na mwandishi Issa Gulamhussein Shivji katika kitabu chake “Tourism and Socialist Development” kilichochapishwa mwaka 1973.
357,807 wageni wa kimataifa walitembelea Hifadhi ya Taifa ya Serengeti mwaka 2024, sawa na karibu 17% ya watalii wote. Je, ni watalii wa kigeni wangapi walitembelea Makumbusho ya Taifa ya House of Culture huko Dar es Salaam?
- 11.338 (0,5%)
- 107.094 (5%)
- 321.284 (15%)
Jibu
0,5%. Wakati mwaka 2022 kulikuwa na takribani wageni 6000 wa kimataifa waliotembelea Makumbusho ya Taifa, mwaka 2024 idadi hiyo iliongezeka hadi 11,338, ambayo ni sawa na asilimia 0.5 ya watalii wa kigeni[1]. Tanzania inajulikana zaidi kwa safari na utalii wa fukwe. Utalii wa utamaduni, historia na mijini bado ni sekta ndogo inayokua polepole.
Tanzanian Ministry of Natural Resources and Tourism (2024): Maliasili Statistical Bulletin, online: www.maliasili.go.tz/resources/statistical-bulletin
Kila mwaka, watu zaidi ya 55,000 hupanda Mlima Kilimanjaro, bila kuhesabu wafanyakazi wanaoandamana nao. Takataka zao kama vile chupa za plastiki, taulo za kike, na vishungi vya sigara huchafua mazingira, na mara nyingi waongoza watalii na wabeba mizigo hufanya kazi katika mazingira yasiyo ya haki. Shirika lisilo la kiserikali la Kilimanjaro Porters Assistance Project (KPAP) hufanya nini?
- Huandaa kampeni za kukusanya takataka na kudhibiti idadi ya watalii ili kupunguza mmomonyoko wa ardhi kwenye njia.
- Hupigania mishahara stahiki na vifaa salama vya kazi. Hutoa vyeti kwa waandaaji wa safari wanaotoa mazingira bora ya kazi kwa wabeba mizigo.
- Hufundisha waongoza milima jinsi ya kuheshimu na kushirikiana vyema na timu za wabeba mizigo na huandaa safari za mafunzo kwenda Alps ili wabeba mizigo wapate uzoefu wa kimataifa.
Jibu
Kilimanjaro Porters Assistance Project (www.kiliporters.org] linapigania mishahara ya haki, vifaa vya usalama vinavyofaa, na mazingira bora ya kazi kwa wabeba mizigo. Wataalamu wanashauri kuchagua waandaaji wa safari wanaowajibika, waliothibitishwa na shirika hili lisilo la kiserikali (NGO), wanaolinda mfumo nyeti wa ikolojia na urithi wa viumbe hai wa Mlima Kilimanjaro, na pia wanaochangia kwa njia endelevu katika uchumi wa ndani
EasyTravelTZ (2024): „Wie man den Kilimandscharo verantwortungsvoll besteigt“, online: www.easytravel.co.tz/de/blog/how-to-climb-mount-kilimanjaro-the-responsible-way/
Kiasi gani cha maji hutumiwa na chumba kimoja katika hoteli ya kifahari Zanzibar kwa wastani kwa siku moja?
- 3195l
- 1475l
- 450l
Jibu
3195l. Kwa mujibu wa Tourism Watch, kaya ya kawaida Zanzibar hupata lita 93 za maji kwa siku. Katika hoteli ya kifahari, kila chumba hutumia takribani lita 3195 za maji kwa siku. Maji haya yanatumika kwa shughuli kama kuosha nguo, mabwawa ya kuogelea, na kuoga.
Bildungsmaterial „Verantwortungsvoll Reisen. Tourismus zukunftsfähig gestalten“ von Brot für die Welt/Tourism Watch (2025) online: www.tourism-watch.de/bildung-material/
Safari ya ndege ya kwenda na kurudi kutoka Berlin hadi Arusha husababisha uzalishaji wa CO₂ kiasi gani?
- 1760 kg
- 2522 kg
- 3489 kg
Jibu
2522 kg. Kwa safari ya umbali wa karibu kilomita 13,500 kwenda na kurudi, kiasi cha CO₂ kinachozalishwa na mtu mmoja ni takribani kilo 2522. Kwa mujibu wa Atmosfair, bajeti ya mwaka inayokubalika kimazingira kwa mtu mmoja ni karibu kilo 1500 za CO₂
Atmosfair: Calculate your CO₂-Footprint, online: www.atmosfair.de/de/kompensieren/flug/
Decolonial Travel Guide Tanzania 